जानकी (बाँके) : सिके राउतको नेतृत्वमा रहेको जनमत पार्टी शान्तिपूर्ण राजनीतिक मुलधारमा आएपछि आफ्नो सामाजिक र राजनीतिक गतिविधी बढाएको छ ।
देश र जनतालाई सर्वोपरि राख्दै जनमत पार्टीले समाज सेवामा अघि बढ्नुका साथै संगठन विस्तारको कार्यलाई पनि तीब्रता दिएको छ । यसैक्रममा जनमत पार्टी बाँकेले जिल्लाका विभिन्न ठाउँमा गाउँ कमिटि गठन अभियान थालेको छ ।
जय स्वराज, जय जनमत भन्ने नाराका साथ शुरु गरिएको अभियानअन्तर्गत जानकी गाउँपालिका वडा नं. ६ बन्जारे गाउँमा गाउँ कमिटि गठन गरिएको छ । बरसाती नाउँको अध्यक्षतामा सात सदस्यीय समिति गठन गरिएको जनमत पार्टीका केन्द्रीय सदस्य एवं बाँके इञ्चार्ज मो. इरफान शेषले जानकारी दिए ।
कार्यक्रममा माधव बर्माले मधेशको मुक्ति जनमतले पार्टीले मात्र गर्नसक्ने भएकोले जनतालाई जागरुक हुन आग्रह गरेको बाँकेका सचिव राजितराम बर्माले बताए ।
