नेपालगञ्ज : बाँकेमा बुधवार २८ जनामा कोरोना पुष्टि भएको छ । भेरी अस्पताल नेपालगञ्ज, नेपालगञ्ज मेडिकल कलेज कोहलपुर र बागेश्वरी डाइग्नोस्टिक सेन्टरमा गरिएको परीक्षणमा १३ जना महिला र १५ पुरुषमा कोरोना संक्रमण पुष्टि भएको हो ।
भेरी अस्पतालमा १६ जना, नेपालगञ्ज मेडिकल कलेज कोहलपुरको परीक्षणमा ९ र वागेश्वरी डाइग्नोष्टिक सेन्टरमा गरिएको परीक्षणमा बाँकेका २६, बर्दिया र सुर्खेतका एकएक जनामा संक्रमण देखिएको स्वास्थ्य कार्यालय बाँकेका कोरोना फोकल पर्सन नरेश श्रेष्ठले जानकारी दिए । योसँगै बाँकेमा कोरोना संक्रमतिको सँख्या १ हजार ७ सय २ पुगेको छ ।
