नेपालगञ्ज : बाँकेमा आइतवार २१ जना कोरोना भाइरसका नयाँ विरामी थपिएका छन् । भेरी अस्पताल नेपालगञ्जको प्रयोगशालामा पछिल्लो २४ घण्टामा एक सय नमुना परीक्षण गर्दा २१ संक्रमित थपिएका हुन् ।
नेपालगञ्जका ६, कोहलपुरका ३, बैजनाथका ८ र खजुराका ४ रहेको भेरी अस्पतालले जनाएको छ । योसँगै जिल्लामा संक्रमितको संख्या १ हजार ४ सय ४० पुगेको छ । ९ सय ९६ जना भने संक्रमणमुक्त भएर घर फर्किसकेका छन् ।
जिल्लाका विभिन्न आइसोलेशनमा ४ सय बढी संक्रमित बसिरहेका छन् । कोरोना भाइरस संक्रमणबाट बाँकेमा ८ जनाको मृत्यु भएको छ ।
