नेपालगञ्ज : बाँकेमा बुधवार ७७ जना कोरोनामुक्त भई डिस्चार्ज भएका छन् । भेरी अस्पताल नेपालगञ्जका एक डाक्टर, नर्स र कोहलपुरस्थित कौशिल्यानगर व्यारेकका ५१ जना नेपाली सेनासहित ७७ डिस्चार्ज भएका हुन् ।
उनीहरु १४ दिने आइसोलेशनको बसाईपछि बुधवार डिस्चार्ज भएको जिल्ला स्वास्थ्य कार्यालय बाँकेका कोरोना फोकल पर्सन नरेश श्रेष्ठले जानकारी दिए । उनीहरुमा भदौ १० गते कोरोना भाइरसको संक्रमण पुष्टि भएको थियो । योसँगै बाँकेमा डिस्चार्ज हुनेको संख्या ९ सय १५ पुगेको छ ।
हाल जिल्लाका विभिन्न आइसोलेशनमा ३ सय ५० जना रहेका छन् । कोरोना संक्रमणबाट बाँकेमा ८ जनाको मृत्यु भइसकेको छ ।
