सदरलाइनडटकम,
नेपालगञ्ज : भारतबाट अवैधरुपमा नेपाल भित्र्याइएको ठूलो परिमाणको सुर्तीजन्य पदार्थसहित बाँकेमा ३ वटा मोटरसाइकल सशस्त्र प्रहरीले बरामद गरेको छ ।
बिओपी नरैनापुरबाट सशस्त्र प्रहरी निरीक्षक खडकबहादुर थापाको नेतृत्वमा गएको टोलीले नरैनापुर गाउँपालिका वडा नम्बर ३ को रतैया भन्ने स्थानबाट बुधवार राति १ बजे ५ सय ४१ पोका सुपरपावर सुर्तीसहित तस्करीमा प्रयोग भएका तीन वटा भारतीय नम्बरको मोटरसाइकल बरामद गरेको सशस्त्र प्रहरी बल नम्बर ३० गण बागेश्वरी बाँकेले जनाएको छ ।
सुर्तीजन्य पदार्थ र मोटरसाइकलको मूल्य १ लाख ८८ हजार ४ सय ४५ रुपैयाँ रहेको सशस्त्र प्रहरीले बताएको छ । बरामद गरिएका मोटरसाइकलसहित सुर्तीलाई आवश्यक कारबाहीका लागि बिहीवार भन्सार कार्यालय नेपालगञ्जमा बुझाइएको छ ।
३ वटा मोटरसाइकलसहित सुर्ति बरामद
२९ श्रावण २०७७, बिहीबार १३:४८
