कोहलपुर (बाँके) : नेकपा एकीकृत समाजबादी बाँकेले कोहलपुरमा श्रद्धाञ्जली सभा सम्पन्न गरेको छ । पार्टीका पोलिटव्यूरो सदस्य अशोक कोईरालाको तेह्रौ दिनको पुण्य तिथिकोे अवसरमा सो साभ आयोजित गरिएको थियो ।
श्रद्धाञ्जली सभामा पार्टी अध्यक्ष तथा पूर्वप्रधानमन्त्री माधवकुमार नेपालले सम्बोधन गर्दै बाँके तथ लुम्बिनी कै सिंगो कम्युनिस्ट आन्दोलनलाई उचाइमा पु¥याउन तथा समाज रूपान्तरणको अभियानलाई व्यापक बनाउन दिवंगत अशोक कोईरालाले खेल्नु भएको भूमिकाको उच्च मूल्याङ्कन गरे ।
जीवनको ऊर्जाशील उमेर राजनीतिक जागरणमा खर्चिएको स्मरण गर्दै पूर्वप्रधान मन्त्री नेपालले स्व अशोकले देखाएको बाटोमा सबै अविचलित भएर लाग्ने र उनले देखेका सपनाहरू पूरा गर्ने संकल्प व्यक्त गरे ।
श्रद्धाञ्जली सभामा स्व. अशोककी जीवन संगिनी मञ्जु कोईरालाले स्व अशोकका सपना पुरा गर्न तथा उनले छाडेका अधुरा सपना पुरा गर्न कुनै कसर नछोड्ने बताईन ।
सो अवसरमा एकीकृत समाजबादीका केन्द्रीय नेताहरु सोमनाथ पाण्डे, प्रकाश ज्वाला लगायत पार्टीका नेता, कार्यकर्ता, समाजका अगुवा तथा परिवारका सदस्यहरूको उपस्थिति रहेको थियो ।
काईरालाको ६१ बर्षको उमेरमा पार्टी कामको शिलसिलामा कपिलबस्तुमा ब्रेन हेमरेज भई उपचारको क्रममा निधन भएको थियो । उनका एक श्रीमती एक छोरा एक छोरी छन् ।
