काठमाण्डौ : भारतमा पछिल्लो चौबिस घण्टामा थप ७५ हजार ८०९ जनामा कोरोना भाइरसको संक्रमण पुष्टि भएको छ । योसँगै भारतमा कोरोना संक्रमितको कुल संख्या ४२ लाख ८० हजार २३२ पुगेको छ ।
भारतका केद्रीय स्वास्थ्य एवं परिवार कल्याण मन्त्रालयले चौबिस घण्टाको अवधिमा १ हजार १ सय ३३ जनाको कोरोना संक्रमणका कारण मृत्य भएको जानकारी दिएको छ ।
भारतमा अहिले सक्रिय कोरोना संक्रमितको संख्या ८ लाख ८३ हजार ६ सय ९७ रहेको छ भने ३३ लाख २३ हजार ९ सय ५१ संक्रमित निको भएका छन् ।
अहिलेसम्म कोरोना संक्रमणका कारण मृत्यु हुनेको संख्या ७२ हजार ७ सय ७५ रहेको भारतको स्वास्थ्य मन्त्रालयले जनाएको छ ।
