नेपालगञ्ज : बाँकेबाट आइतवार ८ जना कोरोनामुक्त भई डिस्चार्ज भएका छन् । १४ दिने आइसोलेशनमा बसेपछि उनिहरुलाई डिस्चार्ज गरिएको स्वास्थ्य कार्यालय बाँकेका कोरोना फोकल पर्सन नरेश श्रेष्ठले जानकारी दिए ।
आइतवार डिस्चार्ज हुनेमा ३ वर्षीय बालिकादेखि ६० वर्ष उमेर समुहका ६ महिला र २ पुरुष रहेका छन् । नेपालगञ्ज, कोहलपुर र नरैनापुरका व्यक्ति डिस्चार्ज भएका हुन् । योसँगै बाँकेबाट डिस्चार्ज हुनेको सँख्या ८ सय २५ पुगेको छ ।
