नेपालगञ्ज : बाँकेमा शनिबार १० जनाले कोरोना संक्रमण जितेर घर फर्केका छन । कोरोना फोकल पर्सन नरेश श्रेष्ठका अनुसार ६ वर्षीया बालिकादेखि ६४ वर्षसम्मका १० जना शनिबार डिस्चार्ज भएका हुन ।
जिल्ला स्वास्थ्य काुर्यालय बाँकेका कोरोना फोकल पर्शन श्रेष्ठले दिएको जानकारी अनुसार बाँकेका विभिन्न आईशोलेशनबाट १० जना कोरोना मुक्त भएर डिस्चार्ज छन ।
यसरी डिस्चार्ज हुनेहरुमा सञ्चारकर्मी कमल विके निर्मोहीलगायतका रहेका छन । उनी सुशील कोइराला प्रखर क्यान्सर अस्पतालको आईसोलेसनमा रहेर स्वास्थ्य लाभ गरेका हुन । उनी शनिबार विहान कोरोना जितेर घर फिर्ता भएका छन् ।
पछिल्लो समय जिल्लामा कोरोना संक्रमितको संख्या हजार नजिक पुगेको छ । शुक्रबार साँझसम्म भेटिएका ९७५ बिरामीमध्ये ७०३ जना डिस्चार्ज भई घर फर्कि सकेका छन् । हाल बाँकेका विभिन्न आईसोलेशनमा २६६ सक्रिय संक्रमित रहेका छन् भने ६ जनाको संक्रमणबाट मृत्युु भई सकेको छ ।
