सदरलाइनडटकम,
कोहलपुर (बाँके) : बाँके यूनेस्को क्लबले एनटिभी कोहलपुरमा कार्यरत सम्पूर्ण सञ्चारकर्मीहरुका लागि स्वास्थ्य सामाग्री उपलब्ध गराएको छ ।
कोभिड–१९ को महामारीमा सञ्चारकर्मीहरु अत्यन्तै जोखिममा रहेको मध्यनजर गर्दै क्लवको आन्तरिक श्रोतबाट सो स्वास्थ्य सामाग्री उपलब्ध गराईएको हो ।
क्लबका लेखा निर्देशक वेदप्रकाश पंगालीले सो स्वास्थ्य सामाग्री एनटिभी कोहलपुरका प्रमुख निराजन खनाललाई हस्तान्तरण गरेका हुन ।
उनले सञ्चारकर्मीको सुरक्षा पनि नागरिक दायित्व भित्र पर्ने भएको भन्दै क्लवले आन्तरिक श्रोतबाट सो सामाग्री उपलब्ध गराएको बताए ।
एनटिभि कोहलपुरका प्रमुख खनालले कोभिड–१९को महामारीको बेलामा सबै सञ्चालकर्मीको सुरक्षालाई ध्यानमा राखेर स्वास्थ्य सामाग्री उपलब्ध गराउने बाँके युनेस्को परिवारलाई धन्यवाद दिए ।
