नेपालगञ्ज : नेपालगञ्जको त्रिवेणीमोडमा शंकाष्पद अवस्थाको सुटकेस भित्र कपडा फेला परेको छ । कोभिड–१९ नोबल कोरोनाको महामारीको कारणले लकडाउन चलिरहदा अज्ञात व्यक्तिले बिहिबार बेलुकी पख सुटकेश छोडेर गएपछि सो क्षेत्र त्रसिद बनेको थियो ।
बन्द पसलको अगाडि तालाचाबी लगाएको सुटकेस बेवारिसे अवस्थामा भेटिए लगत्तै स्थानीयले शंकास्पद बस्तु बम भएको हुनसक्ने भन्दै प्रहरिलाई खबर गरेका थिए । स्थानीयले खबर गरे लगत्तै प्रहरी उक्त स्थानमा पुगि अनुसन्धान सुरु गरेको थियो ।
घट्नास्थलमा पुगेको नेपाली सेनाको बम डिस्पोजल टोलीले भेटिएको सुटकेश खोलेर हेर्दा कपडा भेटिएको छ । जिल्ला प्रहरी कार्यालय बाँकेका प्रहरी निरिक्षक सुरज खत्रीले सुटकेशभित्र कपडा बाहेक अरू केही नभएको जानकारी दिए ।
