सदरलाइनडटकम,
नेपालगञ्ज : नेपालगञ्जको भेरी अस्पताल र नेपालगञ्ज मेडिकल कलेज शिक्षण अस्पताल नेपालगञ्जको प्रसुती वार्ड कोरोना संक्रमणका कारण शिल भएपछि प्रसव पीडाले छटपटाई रहेकी बाँके डुडुवा गाउपालिका–१ की महिलाको माँ जानकी अस्पतालमा शल्यक्रियाबाट छोरी जन्माएकी छन् ।
कोरोनाका कारण कोहलपुर मेडिकल कलेज नेपालगन्ज, कोहलपुर र भेरी अस्पतालको प्रसुति सेवा दिने वार्डहरु शिल भएको अवस्थामा डुडुवा–१ कि प्रीति खटिकको जटिल शल्यक्रियाद्वारा सोमबार साँझ छोरीको सकुशल जन्म भएको हो ।
अस्पतालका अनुसार आमा र बच्चा दुबै ठिक छन् । जटिल प्रसव बेथाले छटपटिएकी डुडुवा गाउँपालिका–१ पिप्रहवाकी प्रिती सोमबार दिनभरी विभिन्न अस्पतालको गेटमा पुगेर पनि उपचार पाउन नसके पछि माँ जानकी अस्पतालमा साँझदेखि उपचार शुरू गरिएको थियो ।
जिल्लाका बिभन्न अस्पतालका स्त्रीरोग विषेशज्ञ डाक्टरहरू सेल्फ क्वारेन्टिनमा रहेकाले डा.कुमार सान शाहले गर्भवती महिलाको शल्यक्रिया गरेका हुन । आमा र बच्चा दुबै स्वस्थ रहेको अस्पतालले जनाएको छ ।
बरिस्ठ सर्जन तथा माँ जानकी अस्पतालका संचालक डा. श्यामसुन्दर यादवले आफ्नो अस्पतालको अपरेशन थिएटर उपलब्ध गराएपछि एचसीआरसी हस्पिटलका सँस्थापक तथा भेरी अस्पतालका स्त्रीरोग विशेषज्ञ डा. शाहको टिमले गरेको अप्रेसनबाट विषम र कठिन परिस्थितिमा आमा र बच्चालाई बचाउन सफल भएको हो ।
प्रिति त एक प्रतिनिधि पात्र मात्र हुन उनी जस्तो समस्याबाट धेरै महिलाहरु विभिन्न अस्पतालको ढोका चाहारेर पनि सेवा पाउन नसकेको जनगुनासाहरु छन् । यस विषम परिस्थितिको सामना गर्नको लागि सबै क्षेत्रबाट सहयोग हुन आवश्यक छ ।
फोटो : रमेश सिटौलाको फेशबुकवालबाट
