नेपालगञ्ज : कोरोना भाइरस संक्रमणका कारण बाँकेमा थप चारजनाको मृत्यु भएको छ । संक्रमित बिरामीहरुको उपचार भइरहेको नेपालगञ्जस्थित भेरी अस्पतालमा तीन जना र नेपालगञ्ज मेडिकल कलेज शिक्षण अस्पताल कोहलपुरमा एकजना गरि थप चारजनाको मृत्यु भएको अस्पतालले जनाएका छन् ।
जिल्ला कोभिड–१९ संकट व्यवस्थापन केन्द्रका फोकलपर्सन तेज ओलीका अनुसार मृत्यु हुनेहरुमा जानकी गाउँपालिका–३ बाँकेका ४४ वर्षीया महिला, बढैयाताल गाउँपालिका–५ बर्दियाका ४० वर्षीय पुरुष, नेपालगञ्ज उपमहानगरपालिका–७ बाँकेका ६३ वर्षीया महिला र खजुरा गाउँपालिका–४ बाँकेका ७५ वर्षीय पुरुष रहेका छन् ।
योसँगै बाँकेमा कोरोना भाइरस संक्रमणका कारण उपचारका लागि जिल्ला बाहिरबाट आएका २१५ जना र जिल्लाकै २५९ जनाको मृत्यु भईसकेको छ ।
