सदरलाइनडटकम
२१ माघ, सुर्खेत : लागूऔषध चरेससहित एक महिला पक्राउ परेकी छन् । जिल्ला प्रहरी कार्यालय सुर्खेतका अनुसार गुर्भाकोट नगरपालिका–९ दमारगाऊँकी २९ वर्षीय तुल्सी दमाईलाई पक्राउ परेकी हुन् ।
तुल्सीबाट १४ किलो पाँच सय ग्राम अवैध लागूऔषध चरेस बरामद गरिएको छ । बिक्री गर्ने नियतले झोलामा बोकी ल्याएको अवस्थामा ईलाका प्रहरी कार्यालय छिन्चुबाट खटिएको प्रहरी टोलीले उनलाई पक्राउ गरेको जिल्ला प्रहरी कार्यालय सुर्खेतका एसपी उमाप्रसाद चतुर्वेदीले बताए ।
लागू औषध चरेसको अवैध कारोबार भइरहेको विशेष सूचनाको आधारमा खटिएको विशेष टोलीले दमाईलाई पक्राउ गरेको थियो । लागू औषध मुद्दामा म्याद थप गरी अनुसन्धान भइरहेको जिल्ला प्रहरी कार्यालय सुर्खेतले जनाएको छ ।
