सदरलाइनडटकम,
नेपालगञ्ज : कोबिड–१९ को कहरकै बीचमा नेपालगञ्ज उपमहानगरपालिकामा विकास निर्माणका कामका लागि धमाधम योजना छनौट हुन थालेका छन् । विभिन्न वडाहरुले वडा भेलाको आयोजनागरी योजना छनौट गरिरहेका छन् ।
नेपालगञ्ज उपमहानगरपालिका वडा ८ ले पनि वडा भेलाको आयोजना गरी योजना छनौट गरेको छ । स्थानीय विकास निर्माणदेखि आर्थिक आयआर्जनका कार्यक्रमहरुलाई प्राथमिकतामा दिन स्थानीयबासीले माग गरेको वडाअध्यक्ष सुरेन्द्र गुप्ता बैश्यले जानकारी दिए ।
कोबिड–१९ का कारण वडा भेला ढिला गर्नु परेको जानकारी दिदै उनले त्यसमा पनि सामाजिक दुरीको पालना गरेर भेला सम्पन्न गरिएको बताए । उनले वडालाई सम्बृद्धि हुने खालका कार्यक्रम गर्ने धारणा व्यक्त गरे ।
भेलामा वडा अध्यक्ष बैश्यको साथमा वडा सदस्य रजनी वाजपेयी, निखिल बैश्य, खुसिरानी देवि बानिया, निर्मला कनोजिया,र वडा नम्बर ८ का नन्दकिशोर ठाकुर, सत्यनारायण गुप्ता, गोपिनाथ गुप्ता लगायत अन्य वडाका जनप्रतिनिधि पत्रकार लगायतको उपस्थिति रहेको थियो ।
