क्वारेन्टाईनमा सर्पले डसेपछि गूरुवाको भरमा रातभर झारफुक बिहानमात्र अस्पताल पुराईयो

२७ जेष्ठ २०७७, मंगलवार १२:०३
 

सदरलाइन / रुद्र सुवेदी,
जानकी (बाँके) : बाँकेको जानकी गाउपालिका वडा नंम्बर १ बढैया गाउको विद्यालयमा निर्माण गरिएको क्वारेन्टाईनमा बसेका ब्यक्तिलाई सर्पले डसेको छ । उपचारको लागि अस्पताल लैजान एम्बुलेन्स अभावमा रातभर गुरुवाको भरमा झारफुक गरेर राखेर बिहान मात्र अस्पताल लगिएको थियो ।

नेपाल राष्ट्रिय प्राथामिक विद्यालयको कक्षा १ को कोठामा बसेका ती युवकलाई गएराती सर्पले डसेको हो । सो क्वारेन्टाईनमा अहिलेसम्म तीन पटक सर्पले आतङ्क मच्चाएको वडाध्यक्ष मोहम्मद रजा राईले जानकारी दिए ।

१९ जनालाई राखिएको सो क्वारेन्टाईन स्थलमा पटक–पटक सर्प देखिदैं आएका थिए । सोमबार राती १० बजे क्वारेन्टाईनमा रहेका ब्यक्तिलाई करेत जातको विषालु सर्पले टोकेको वडाध्यक्ष राईले बताए ।

सर्पले टोकेलगत्तै उपचारको प्रयास गरे पनि सम्बन्धित पक्षले आफुलाई सहयोग नगरेकोकारण मंगलबार बिहान ८ बजेमात्र एम्बुलेन्स मार्फत उपचारको लागि अस्पताल पठाईएको उनले जानकारी दिए ।

‘राती क्वारेन्टाईनमा बसेका ब्यक्तिलाई सर्पले टोकेको खबर आयो उठेर क्वारेन्टाईन पुगे बिरामीलाई अस्पताल लैजानका लागि एम्बुलेन्स बोलाउन धेरै ठाउमा फोन गरे कसैले चासो देखाएनन बल्लतल्ल विहान ८ बजे मात्र एम्बुलेन्स आएपछि अस्पताल लैजान सकियो’–उनले भने–‘ राती नै विरामी तलमाथि भएको भए जिम्मेवार को हुन्थ्यो ।’ सर्पले डसेको ब्यक्तिको भेरी अस्पतालमा उपचार भई रहेको र अवस्था सामान्य रहेको छ ।

वडाध्यक्ष राईले गाँउपालिका प्रमुख, स्वास्थ्य शाखा प्रमुख, जिल्ला स्वास्थ्य कार्यालयका जिम्मेवार पदाधिकारी सबैलाई राती नै सम्पर्क गर्न खोजेपनि कोही सम्पर्कमा नआएपछि मंगलबार बिहान मात्रै ति ब्यक्तिलाई भेरी अस्पताल लगिएको बताए ।

उनले रातीको समयमा अस्पताल लैजान सम्भव नभएपछि स्थानीय ‘गुरुवा’को मदतले विष झार्ने काम गरीएको र बिहान एम्बुसेन्स आएपछि अस्पताल पठाइएको जानकारी दिए ।

Next Post

जानकीको क्वारेन्टाइन र आईसोलेशनलाई स्वास्थ्य सामाग्री

२७ जेष्ठ २०७७, मंगलवार १२:०३
सदरलाइनडटकम, जानकी (बाँके) : बाँकेको जानकी गाउँपालिकाको आईसोलेशन तथा क्वारेन्टाइनको लागि मंगलबार लायन्स क्लव र बाँके युनेस्को क्लवले उपलब्ध गराएको स्वास्थ्य समाग्री हस्तन्त्रण गरिएको छ । हस्तान्त्रण गरिएको स्वास्थ्य सामाग्रीमा सेनिटाजर, सर्जिकल मास्क र एन–९५ मास्क रहेको छ । लायन्स क्लब डिस्ट्रीक ३२५ बि–२ क्षेत्र नम्बर ६ बाट प्राप्त एन–९५ […]