सदरलाइनडटकम,
नेपालगञ्ज : बाँकेको जानकी गाउँपालिका–३ मा रहेको इट्टा भट्टाको पोखरीमा डुवेर एक युवाको मृत्यु भएको प्रहरीले जनाएको छ ।
जिल्ला प्रहरी कार्यालय बाँकेका सह प्रवक्ता तथा मुद्दाफाँट ईन्चार्ज प्रहरी निरिक्षक हृदेश सापकोटाले दिएको जानकारी अनुसार नेपालगन्ज उपमहानगरपालिका–१ धम्बोझीका २२ वर्षिय बिष्णु गोडिया पोखरीमा पौडी खेल्ने क्रममा डुवेर मृत्यु भएको हो ।
प्रहरीका अनुसार मृतक गोडिया आफ्ना दुई साथीहरू संँग दिउँसो पौडी खेल्न गएका बेला ३ बजेतिर डुवेका थिए । उनको शव भने राती ८ बजेतिर मात्र फेला परेको थियो ।
मृतकको शव पोष्टमार्टमको लागि भेरी अस्पताल पठाईएको प्रहरी निरिक्षक सापकोटाले जानकारी दिए ।
