नेपालगञ्ज : नेपाल स्वास्थ्यकर्मी संघको ३१ औं स्थापना दिवस बाँकेमा कोभिड सचेतीकरण कार्यक्रमको आयोजना गरी मनाइएको छ । संघको स्थापना दिवसको अवसरमा नेपालगञ्जको जमुनाहा नाकामा मास्क वितरणसँगै सचेतीकरण कार्यक्रमको आयोजना गरिएको हो ।
त्यस अवसरमा बोल्दै नेपालगञ्जका मेयर प्रशान्त विष्टले कोरोना भाइरस संक्रमणको जोखिम कायमै रहेकाले मास्कको प्रयोग जरुरी रहेको बताए । भाइरस संक्रमणको जोखिम कायमै रहेकाले मास्कको प्रयोग गर्नुपर्ने, भौतिक दूरी कायम गरिनुपर्ने र सरसफाईमा विशेष ध्यान दिनुपर्ने मेयर विष्टको भनाई छ ।
![](https://sadarline.com/wp-content/uploads/2023/06/355735841_163168713323414_6806641009584846467_n.jpg)
![](https://sadarline.com/wp-content/uploads/2023/10/Ntc-add-1-.jpg)
उनले कोरोना महामारीमा स्वास्थ्यकर्मीहरुले खेलेको भूमिकाको उच्च प्रशंसा गरे । नेपाल स्वास्थ्यकर्मी संघ जिल्ला कार्यसमिति बाँकेको आयोजनामा कार्यक्रम गरिएको हो ।
संघका अध्यक्ष टेकबहादुर केसीको अध्यक्षतामा भएको कार्यक्रममा दुई हजार मास्क र सेनीटाइजर वितरण गरिएको संघका सहसचिव तेज वलीले जानकारी दिए ।