सदरलाइनडटकम, 
नरैनापुर (बाँके) : कोरोनाको कहरबाट जोगिन मात्रृभुमि फर्किएकाहरु यतिबेला स्थानीय पालिकाले निर्माण गरेको क्वारेन्टाईनमा छन् । अहिले क्वारेन्टाइनको गुणस्तरका बारेमा चर्को बहस भई रहेको छ ।
यस्तै बहसकै बीचमा बाँकेको नरैनापुर गाउपालिकाको एक मदरसामा बनाईएको एक क्वारेन्टाईनको दृश्य हो यो । उनीहरु भरतबाट नेपाल आएका हुन । बस्न स्थान अभावको कारण चर्को घाम होस वा हावाहुरी यसरी नै रुख मुनी उनीहरु क्वारेन्टाईनको दिन काटी रहेका छन् ।
क्वारेन्टाइनको गुणस्तरको बहस गर्नेहरुका लागि घरमै बसीबसी एक दरिलो विषय हुनसक्छ तर, नरैनापुरबासीको यो नियती नै बनेको छ ।
बाँकेको नरैनापुर जसले तराईको कर्णाली उपनाम पाएको छ । नेपालगन्जबाट मुस्किलले ४५ किलोमिटर पूर्व रहेको नरैनापुर साच्चिकै विकट छ ।
यो नरैनापुरको वडा नं.४ मा निर्मांण गरिएको एक क्वारेन्टाईन हो । यस क्वारेन्टाईमा बस्दै आएकाहरु अबको एकदुई दिनमा कोरोना परिक्षणपछि नतिजा नेगेटिभ आए घर फर्किने छन् ।
