सदरलाइनडटकम,
बुटवल : प्रदेश नंं. ५ सरकारले प्रदेश भित्रका हरेक घरमा स्वच्छ खानेपानीको व्यवस्था गर्न ‘एक घर एक धारा’ संकल्पका आधारमा अब हरेकका घरमा खानेपानीका धाराको सुविधा प्रदान गर्ने भएको छ ।
प्रदेश सरकारको नीति तथा कार्यक्रम प्रस्तुत गर्दै प्रदेश प्रमुख धर्मनाथ यादवले आगामी बर्ष २०७७÷०७८ को नीति तथा कार्यक्रममा समावेस नीतिमा उल्लेख गरेका छन् ।
नीति तथा कार्यक्रममा हरेका घरमा स्वच्छ खानेपानीका धारा र सरसफाई योजना प्रदेश सरकारको रहेकोे छ । प्रदेशभरका सबै स्थानीय तहका खानेपानीका निर्माणाधिन खानेपानीका सबै योजना क्रमागत रुपमा सम्पन्न गर्ने नीतिमा उल्लेख छ ।
यसका साथै तराई र पहाडमा खानेपानीको समस्या समाधानका लागि नयाँ योजना समेत तयारी गरी कार्यान्वयन गर्ने नीति तथा कार्यक्रममा रहेको प्रदेश प्रमुख यादवले बताए ।
यसका साथै प्रदेशभर सरसफाईलाई प्राथमिकता दिदै वातावरण अनुकूलित र प्रविधिमैत्री सार्वजनिक शौचालय निर्माण गरिने उल्लेख छ । वर्षायाममा शहरी क्षेत्रमा व्यवस्थित ढलको अभावका कारण डुवानको समस्या समाधानका लागि ढल व्यवस्थापनको कार्य पनि गरिने नीति कार्यक्रम उल्लेख गरिएको छ ।
