सदरलाइनडटकम,
नेपालगञ्ज : नेपालगञ्ज कारागारमा अपराधिक लाभ कसुरमा कैद भुक्तान गरी रहेका एक कैदीको हृदयघातका कारण मृत्यु भएको छ ।
कारागारका जेलर देबेन्द्रकुमार श्रेष्ठले दिएको जानकारी अनुसार कारागारमा कैद भुक्तान गरि रहेका नेपालगन्ज–८ का ६० वर्षिय असपाक अहमद सिद्दिकी मंगलबार बिहान ७ बजे एक्कासी बेहोस भएपछि उपचारको लागि भेरी अस्पताल पुराए लगत्तै मृत्यु भएको थियो ।
मृतक सिद्दिकीलाई उच्च रक्तचाप र मधुमेह रोगको समस्या रहेको थियो । उनलाई अपराधिक लाभ मुद्दामा ३ वर्ष कैद र ३० हजार जरिवाना तोकिएको थियो ।
१२ दिनपछि कैद मुक्त हुने अवस्थामा रहनु भएको थियो । मृतकको शव पोष्टमार्टम गरी परिवारलाइ बुझाउने तयारी भएको जेलर श्रेष्ठले जानकारी दिए ।
