सदरलाइनडटकम,
काठमाण्डौ : अमेरिकामा कोरोना भाइरसबाट १६ स्टेटमा एक सय ५० संक्रमित भएका छन् भने ११ जनाको मृत्यु भइसकेको छ । अमेरिकी सेन्टर्स फर डिजिज कन्ट्रोल एण्ड प्रिभेन्सन (सिडिसी) का साथै स्थानीय सरकारले यसको पुष्टि गरेको हो ।
यता, क्यालिफोर्नियाका गभर्नर ग्याभिन न्यूसमले कोरोनाभाइरसको बढ्दो स्थितीका कारण आफ्नो राज्यमा संकटकालको घोषणा गरेका छन् । कोरोना भाइरसको संक्रमण क्यालिफोर्निया राज्यमा नबढोस् भनेर संकटकालको घोषणा गरिएको बताइएको छ ।
न्यूसमका अनुसार क्यालिफोर्नियामा अहिले ९ हजार ४ सयलाई निगरानीमा राखिएको छ । यसअघि ८ हजार ४ सय जनालाई निगरानीमा राखिएको थियो । (एजेन्सी)
कोरोनाका कारण क्यालिफोर्नियामा संकटकाल घोषणा
२२ फाल्गुन २०७६, बिहीबार १४:४१
