सदरलाइनडटकम,
डुडुवा (बाँके) : केही दिनदेखि बढेको चिसो तथा शितलहरबाट बच्नका लागि डुडुवा गाउँपालिकाले दाउरा तथा कम्बल वितरणको कार्य शुरु गरेको छ । चिसोबाट बढी प्रभावित हुने गरीब, असहाय तथा विपन्न परिवार तथा जेष्ठ नागरिकहरुलाई चिसोबाट बच्नका लागि गाउँपालिका अन्र्तगत विभिन्न टोल तथा चोक चोकमा दाउरा वितरण गरि आगो ताप्ने व्यवस्था र कम्बल वितरण शुरु गरेको गाउँपालिका अध्यक्ष नरेन्द्रकुमार चौधरीले बताए ।
गाउँपालिका अध्यक्ष चौधरीका अनुसार १० क्वीन्टल दाउरा हिरिमिनिया चोक र वडा कार्यालय नजिक आगो ताप्ने व्यवस्था मिलाइएको छ । दुईस्थानमा गरिएको आगो ताप्ने व्यवस्थाले त्यस आसपास गाउँटोलका करीब दुई सय बढी स्थानीय लाम्भावित हुने छन् । गाउँपालिकाले अन्य वडामा पनि दाउरा वितरणको तयारी गरेको जनाएको छ ।
नेपाल रेडक्रस सोसाइटी बाँके शाखाले आइतवार मात्रै चिसो तथा शितलहरबाट प्रभावित परिवारलाई वितरण गर्नका लागि गाउँपालिकालाई कम्बल हस्तान्तरण गरेको छ । उक्त कम्बलमा गाउँपालिकाले थपगरि गाउँपालिकाअन्तर्गत रहेका गरिब तथा असहाय तथा विपन्न परिवारलाई वितरण गर्नेछ ।
रेडक्रस बाँके सभापति गोवर्धन सिंह सम्झना, विपत व्यवस्थापन समितिका संयोजक तथा प्रमुख जिल्ला अधिकारी कुमार बहादुर खडकाले संयुक्तरुपमा गाउँपालिका अध्यक्ष नरेन्द्रकुमार चौधरीलाई ५० थान कम्बल हस्तान्तरण गरेका थिए ।
जाडो छल्न दाउरा र कम्बल वितरण
१४ पुष २०७६, सोमबार १६:१८
