सदरलाइनडटकम,
नेपालगञ्ज : भूमिसुधार तथा मालपोत कार्यालय बाँकेमा जग्गा बाँडफाँडका लागि परेको निवेदनको सनाखत भईरहेको छ । पछिल्लो एकमहिनाको अवधीमा ३ सय ६८ जना मोही किसानले निवेदन दिएका छन् ।
यसअघि मोही बाँडफाँडका दुई हजार ९२ निवेदनसहित मोही बाँडफाँडका दुई हजार ४६० निवेदन परेका छन् । कार्यालय प्रमुख प्रेम दौल्यालका अनुसार पुराना मोही बाँडफाँडका निवेदनमध्ये कतिपय समाधान भईसकेका छन् । पछिल्लो पटक पुष १६ देखि माघ १५ गतेसम्म मोही बाँडफाँटका लागि निवेदन दिने समयसीमा तोकिएको थियो । त्यसमाथि सरकारले २०७६ भदौं ५ गतेभित्र निवेदन समाधान गरिसक्नुपर्ने समयसीमा समेत दिएको छ ।
मोही बाँडफाँडको निवेदन परेपछि प्रतिवादी जग्गाधनीको नाममा म्याद तामेल गर्नुपर्ने हुन्छ । तर एकजना मात्रै तामेलदार त्यो पनि करारमा नियुक्त गरिएको कार्यालय प्रमुख दौल्यालले जानकारी दिए ।
कर्मचारी अभावमा मोही बाँडफाँटमा समस्या
१७ माघ २०७५, बिहीबार १५:००
