सदरलाइनडटकम,
दाङ : संघीय संसदका सभामुुख कृष्णबहादुर महराले दाङमा पानीको आपूर्तिका लागि रोल्पाको माडी नदिलाई डाइभर्सन गरेर ल्याउने योजना रहेको बताएका छन् ।
दाङको घोराही उपमहानगरपालिका १७ गुलरियामा निर्माण भएको तेस्रो साना शहरी खानेपानी तथा सरसफाई आयोजनाको शुक्रवार उद्घाटन गर्दै उनले प्रयाप्त पानीका लागि माडीको पानी दाङमा ल्याउने योजना रहेको बताएका हुन् ।
बढ्दो पानी संकटलाई हटाउन माडीको पानीलाई ल्याएर दाङमा खानेपानी र सिँचाई अभावलाई दिर्घकालीनरुपमा समाधान गर्ने प्रतिबद्धता जनाउँदै सभामुख महराले छिट्टै प्रदेश पाँचका मुुख्यमन्त्री शंकर पोख्रेलसहित सिँचाई मन्त्री र दाङबाट प्रतिनिधित्व गर्ने सांसदले संयुक्तरुपमा माडी नदि डाईभर्सन गरेर दाङ ल्याउने घोषणा गर्ने तयारी भएको जानकारी दिए ।
बढ्दो जनसंख्यालाई खानेपानीको आपुुर्तिका लागि सरकार गम्भिर रहेको र बिकल्पहरुको खोजी भईरहेको भन्दै उनले खानेपानी संस्थाले पनि आफ्नो योजनालाई अघि सार्नुुपर्नेमा जोड दिए ।
माडी नदिबाट दाङमा खानेपानीको व्यवस्था गरिने : सभामुुख महरा
२१ मंसिर २०७५, शुक्रबार १८:१९
