बर्दिया : बर्दिया प्रहरीले बिभिन्न समयमा भारतबाट भन्सार छली नेपालतर्फ ल्याउँदै गरेको धानको बिउ र नेपालबाट भारत तर्फ तस्करी गर्दै गरेको डिजेल बरामद गरेको छ ।
जिल्ला प्रहरी कार्यालय बर्दियाले दिएको जानकारी अनुसार १ सय ४१ किलो धानको बिउँ तथा नेपालबाट भारततर्फ लाँदै गरेको साढे ४९ लिटर डिजेल प्रहरी चौकी जमुनी बर्दियाबाट खटिएको गस्ती टोलिले नियन्त्रणमा लिएर आवश्यक कारबाहीको लागि राजापुर भन्सार कार्यालय गुलरिया बर्दियामा बुझाईएको छ ।
प्रहरीका अनुसार गस्तीमा रहेका प्रहरीको टोलीलाई देख्ने बित्तिकै तस्कर सामान छाडेर भागेका थिए । भारतमा भन्दा नेपालमा डिजल लगायत पेट्रोलियम पदार्थ निक्कै सस्तो भएको कारणले नेपालबाट भारततर्फ डिजल, पेट्रोल तस्करी हुँदै आएको छ ।
