नेपालगञ्ज, नेपालगञ्जको पुष्पलालचोकस्थित पुष्पलालको शालिक मुनी शंकास्पद बस्तु राखिएको छ । सो सामान राख्ने व्यक्तिले शालिक नजिकै रहेको होटल एभरेष्टका मालिकलाई शंकास्पद बस्तु बम भएको र सावधानी अपनाउन भनेपछि सेना र प्रहरीको टोली घटनास्थल पुगेर अनुसन्धान थालेको छ ।
शंकास्पद सामान राख्ने व्यक्तिले १० बजेर २३ मिनेट जाँदा होटल एभरेष्टका मालिकलाई जानकारी गराएको भएपनि सीसीटीभी फुटेजमा भने ९ बजेर १५ मिनेट जाँदा राखिएको देखिएको छ ।
शंकास्पद बस्तु के हो भन्ने बारे प्रहरीले तालिम प्राप्त कुकुरलाई पनि घटनास्थल लगेको थियो । अहिले नेपाली सेनाको बम डिस्पोजल टोलीले बम भए नभएको र भएको अवस्थामा निष्क्रिय पार्न सुरु गरेको छ ।
