सदरलाइनडटकम,
राप्तीसोनारी (बाँके) : बाँकेको राप्तीसोनारी गाउँपालिका ४ का बासिन्दाले गाँउमा पसेको चितुवालाई नियन्त्रणमा लिएर प्रहरीलाई बुझाएका छन् । बाँके राष्ट्रीय निकुञ्जबाट आएको चितुवाले गौरीगाँउका स्थानियहरुलाई हमला गर्न थालेपछि चितुवालाई नियन्त्रणमा लिएर प्रहरीलाई बुझाइएको हो ।
कैलाश थारुलाई चितुवाले आक्रमण गर्न खोजेपछि गाँउलेहरुले चितुवालाई नियन्त्रणमा लिएको पत्रकार हेमन्त चौधरीले बताए । करिब २ मिटर लम्बाई रहेको उक्त चितुवालाई इलाका प्रहरी कार्यालय धामपुरमा राखिएको छ ।
नियन्त्रणमा लिइएको चितुवालाई आवश्यक प्रक्रिया पुरा गरी बाँके राष्ट्रीय निकुञ्जलाई हस्तान्तरण गरिने ईलाका प्रहरी कार्यालय धामपुरका प्रहरी नायब निरीक्षक कमल थापाले बताए । निकुञ्जका हिँसक वन्यजन्तुका कारण राप्तीसोनारीका स्थानियहरुले सास्ती खेप्दै आएका छन् ।
बैजापुरमा चितुवालाई नियन्त्रणमा लिई प्रहरीलाई बुझाईयो
८ कार्तिक २०७५, बिहीबार १४:३३
