सदरलाइनडटकम,
नेपालगञ्ज : प्रतिनिधीसभाको कृषि, सहकारी तथा प्राकृतिक श्रोत समितिको टोली सिक्टा सिँचाई आयोजनाको स्थलगत निरिक्षण गरेको छ ।
परीक्षणका क्रममा पटक–पटक भत्किएपछि निर्माणमा अनियमितता र गुुणस्तरहीन काम भएको आशंकाबीच अख्तियार र जलश्रोत मन्त्रालयले छानविन गरिरहँदा समितिका सभापति पुर्णाकुमारी सुवेदी नेतृत्वको टोलीले बुधवार र बिहीवार दुई दिन आयोजनाको मुल बाँध तथा मुलनहरको स्थलगत अनुगमन गरेको हो ।
टोलीले स्थानीयसँग समेत अन्तरक्रिया गरेको छ । सिक्टा सिचाई आयोजनाको स्थलगत निरिक्षण गरी टोली भेरी–बबई डाईभर्सनको निर्माण बारे जानकारी लिने कार्यक्रम रहेको समितिकी सभापति सुवेदीले बताइन् ।
अनुगमन समितिमा सांसदहरु सत्य नारायण शर्मा खनाल, राजबहादुर बुढाक्षेत्री, शान्तिमाया तामाङ पाख्रिन र शान्ता चौधरी रहेका छन् । सिक्टाको अनुगमनमा सांसद महेश्वर गहतराज, पुर्व सांसद देवराज भार, प्रदेश सांसद आइपी खरेल, कृष्ण केसीलगायत सहभागी थिए ।
सिक्टाको संसदीय समितिद्वारा अनुगमन
२५ आश्विन २०७५, बिहीबार १८:२०
