नेपालगञ्ज : बाँकेमा २२ ग्राम ब्राउन सुगरसहित दुई जना पक्राउ परेका छन् ।
भे ४ प २१४३ नम्बरको मोटरसाइकलमा भारतबाट नेपालगञ्ज आउँदै गरेका नेपालगञ्ज १४ का कलामुद्दिन शेष र प्रमोद गिरीलाई २२ ग्राम ब्राउनसुगरसहित पक्राउ गरिएको जिल्ला प्रहरी कार्यालय बाँकेका प्रबक्ता प्रहरी नायब उपरीक्षक नारायण डाँगीले बताए ।
उनीहरुले हेलमेटभित्र ब्राउनसुगर लुकाएर ल्याइरहेको अवस्थामा प्रहरीले पक्राउ गरेको हो । उनीहरुलाई चौलिक्का चोकबाट नियन्त्रणमा लिइएको हो ।
