सदरलाइनडटकम,
कञ्चनपुर : सडक दुर्घटनामा परी कञ्चनपुरमा सशस्त्र प्रहरीका सहायक हवल्दारको मृत्यु भएको छ । शुक्लाफाँटा नगरपालिकाक ११ कलुवापुर नजिक शनिबार राति मोटरसाइकल दुर्घटना हुँदा सशस्त्र प्रहरीका सहायक हवल्दार हरिश भट्टको मृत्यु भएको हो ।
महेन्द्रनगर आउँदै भीमदत्तनगरपालिका–१८ का भट्टको मोटरसाइक दुर्घटनामा परेको हो । कैलालीको टिकापुरबाट से २ प ९६६९ नम्बरको मोटरसाईकलमा आउँदै गरेका भट्टको मोटरसाइकललाई भीमदत्तनगरबाट धनगढी तर्फ जाँदै गरेको से १ ज ८६२ नम्बरको भ्यानले ठक्कर दिँदा उनको मृत्यु भएको इलाका प्रहरी कार्यालय झलारीका प्रहरी निरीक्षक रमेशदत्त अबस्थीले बताए ।
दुर्घटनामा गम्भीर घाईते भएका भट्टलाई थप उपचारका लागि भारतको हलद्धानी लैजाँदै गर्दा बाटोमा मृत्यु भएको उनले बताए । ठक्कर दिने भ्यान र चालक प्रहरी नियनत्रणमा छन् । भट्ट कैलालीस्थित उग्रतारा सशस्त्र प्रहरी गण टिकापुरमा सहायक हवल्दार पदमा कार्यरत रहेका थिए ।
सडक दुर्घटनामा सशस्त्र प्रहरी सहायक हवल्दारको मृत्यु
१७ भाद्र २०७५, आईतवार १६:०६
