सदरलाइनडटकम
२१ माघ, सुर्खेत : जिल्ला प्रहरी कार्यालय सुर्खेतले जुवाखालबाट पाँच जनालाई पक्राउ गरेको छ । गस्तीमा खटिएको प्रहरी टोलीले वीरेन्द्रनगर नगरपालिका–९ स्थित दैलेखी टोलबाट उनीहरूलाई पक्राउ गरेको हो ।
प्रहरी प्रमुख (एसपी) उमाप्रसाद चतुर्वेदीका अनुसार ३९ वर्षीय गगन रावल, ४२ वर्षीय बलबहादुर राना, ५३ वर्षीय जंगबहादुर थापा, ४० वर्षीय जीवन श्रेष्ट र ४५ वर्षीय रामबहादुर थापा पक्राउ परेका हुन् ।
पक्राउ परेका पाँच जनाबाट १५ हजार ६ सय तीस रूपैयाँ नगदसहित तीन गड्डी ताससमेत बरामद गरिएको छ । उनीहरू माथि थप आनुसन्धान भइरहेको प्रहरीले जानकारी दिएको छ ।
