नेपालगञ्ज : भेरी अस्पताल नेपालगञ्जको प्रयोगशालामा गरिएको पिसिआर परीक्षणमा बाँकेका २१ सहित ४३ जनामा कोरोना संक्रमण पुष्टि भएको छ ।
अस्पतालले बिहीवार दिउँसो जारी गरेको अद्यावधिकअनुसार बाँकेका २१ र बर्दियाका १४ जनामा कोरोना देखिएको छ । यस्तै सल्यान, रुकुम, डोल्पा, अछाम, कालिकोट, सुर्खेत, सप्तरी र दोलखामा एकएक जनामा कोराना पुष्टि भएको हो ।
पछिल्लो २४ घण्टामा भेरी अस्पतालले १ सय ६१ जनाको परीक्षण गर्दा ४३ जनामा कोरोना देखिएको जनाएको छ ।
