लोक सेवा सम्बन्धी केही विषयगत प्रश्नोत्तरहरु

२१ माघ २०७४, आईतवार ०९:०८
 

१. राष्ट्रिय समावेशी आयोगको काम, कर्तव्य र अधिकार के–के हुन् ? उल्लेख गर्नुहोस् ।
नेपालको संवधानको धारा २५९ मा राष्ट्रिय समावेशी आयोगको काम, कर्तव्य र अधिकारको व्यवस्था छ, जसलाई निम्नानुसार उल्लेख गर्न सकिन्छः

क) खस आर्य, पिछडा वर्ग, अपाङ्गता भएका व्यक्ति, ज्येष्ठ नागरिक, श्रमिक, किसान, अल्पसङ्ख्यक एवम् सीमान्तकृत समुदाय तथा पिछडिएको वर्ग र कर्णाली तथा आर्थिक रूपले विपन्न वर्ग लगायतका समुदायको हक अधिकारको संरक्षणका लागि अध्ययन तथा अनुसन्धान गर्ने,

ख) उपरोक्त समुदाय, वर्ग र क्षेत्रको समावेशीकरणका लागि नेपाल सरकारले अवलम्बन गरेको नीति तथा कानुनको कार्यान्वयन अवस्थाको अध्ययन गरी सुधारका लागि नेपाल सरकारलाई सुझाव दिने,

ग) उपरोक्त समुदाय, वर्ग र क्षेत्रको राज्य संयन्त्रमा उचिव प्रतिनिधित्व भए नभएको अध्ययन गरी त्यस्तो समुदाय, वर्ग र क्षेत्रको प्रतिनिधित्वका लागि गरिएको विशेष व्यवस्थाको पुनरावलोकन गर्न नेपाल सरकारलाई सुझाव दिने,

घ) उपरोक्त समुदाय, वर्ग र क्षेत्रको संरक्षण, सशक्तीकरण र विकास सन्तोषजनक भए नभएको अध्ययन गरी भविश्यमा अवलम्बन गर्नुपर्ने नीतिको सम्वन्धमा नेपाल सरकार समक्ष सिफारिस गर्ने,

ङ) कर्णाली र पिछडीएको क्षेत्रको विकास र समृद्धिका लागि अबलम्बन गर्नुपर्ने नीति र कार्यक्रमको सम्बन्धमा नेपाल सरकारलाई सुझाव दिने,

च) अल्पसङ्ख्यक तथा सीमान्तकृत समुदाय सम्बन्धी कानुनमा समयानुकूल परिमार्जनका लागि सिफारिस गर्ने,

छ) अल्पसङ्ख्यक तथा सीमान्तकृत समुदायका लागि प्रत्याभूत हक अधिकारको कार्यान्वयन स्थिति अनुगमन गरी आवधिक रूपमा हुने राष्ट्रिय जनगणना तथा मानव विकास सूचकाङ्क सम्बन्धी प्रतिवेदनको आधारमा आवश्यक पुनरावलोकन गरी परिमार्जनका लागि सिफारिस गर्ने,

२. जिल्ला सुरक्षा समितिको गठन कसरी हुने व्यवस्था छ ? उल्लेख गर्नुहोस् ।
स्थानीय प्रशासन ऐन, २०२८ अनुसार प्रत्येक जिल्लामा शान्ति सुरक्षा र सुव्यवस्था गर्ने काममा सहयोग पुर्याउन देहाय बमोजिमको एक जिल्ला सुरक्षा समिति हुने व्यवस्था छः
क) प्रमुख जिल्ला अधिकारी – अध्यक्ष
ख) नेपाली सेनाको स्थानीय प्रमुख – सदस्य
ग) जिल्ला प्रहरी कार्यालयको प्रमुख – सदस्य
घ) सशस्त्र प्रहरी कार्यालयको स्थानीय प्रमुख – सदस्य
ङ) राष्ट्रिय अनुसन्धान विभागको जिल्लास्थित कार्यालय प्रमुख – सदस्य
च) सहायक प्रमुख जिल्ला अधिकारी – सदस्य सचिव
प्रमुख जिल्ला अधिकारीले जिल्ला सुरक्षा समितिको बैठक आवश्यकता अनुसार बोलाउन सक्ने र बैठकमा आवश्यकता अनुसार जिल्लास्थित अन्य कार्यालयका पदाधिकारीलाई आमन्त्रण गर्नसक्ने व्यवस्था छ ।

३. पोषणको महत्वबारे लेख्नुहोस् ।
खाद्य पदार्थबाट प्राप्त हुने पौष्टिक तत्व पोषण हो । पोषणले शरीरको वृद्धि, विकास र सम्बद्र्धन गर्न मद्दत गर्दछ । पोषणको महत्वलाई निम्नानुसार उल्लेख गर्न सकिन्छः
– शरीरलाई शक्ति प्राप्त गर्न मद्दत गर्दछ ।
– शारीरिक र मानसिक रूपमा शरीरको विकास गर्न सहयोग गर्दछ ।
– शरीरका अङ्गको परिचालन गर्न मद्दत गर्दछ ।
– शरीरलाई रोगबाट बचाउन तथा शरीरको रक्षा गर्न सहयोग गर्दछ ।
– शरीरको तापक्रम सन्तुलित राख्दछ । त्यसकारण पोषणको महत्व हुन्छ ।

साभारः गोरखापत्र

Next Post

कुवेत गएका कामदार बालबच्चासहित धमाधम फर्कंदै

२१ माघ २०७४, आईतवार ०९:०८
काठमाडौं, २१ माघ । सिन्धुपाल्चोककी सुष्मा तामाङ (नाम परिवर्तन) आफूले जन्माएको ४ वर्षे छोरालाई आफूसँगै कुवेतबाट स्वदेश लैजान पाउने भएपछि बिहीबार निकै खुसी भइन् । उनी आफैंलाई त स्वदेश फिर्न समस्या थिएन । तर, साथमा छोरो पनि भएपछि फर्कन सकिरहेकी थिइनन् । ‘नचाहँदा नचाहँदै बच्चा जन्मिहाल्यो । कोखबाट जन्मिसकेपछि माया लाग्दोरहेछ,’ कुवेतस्थित मंगापमा बस्दै […]

सम्बन्धित