कर्मचारी समायोजन ऐन परिमार्जनको माग ज्ञापनपत्र

२ पुष २०७५, सोमबार १८:४३
 

सदरलाइनडटकम,
नरैनापुर (बाँके) : स्थानीय तह ट्रेड युनियन संयुक्त आन्दोलन परिचालन इकाइ समिति नरैनापुर बाँकेले कर्मचारी समायोजन ऐन परिमार्जनको माग गर्दै संघीय सरकारलाई ज्ञापनपत्र बुझाएको छ ।
नरैनापुर गाउँपालिकाका अध्यक्ष इस्तियाक अहमद शाह र प्रमुख प्रशासकीय अधिकृत दलबहादुर बस्नेत मार्फत् संघीय सरकारलाई बुझाइएको ज्ञापनपत्रमा संसद्लाई गुमराहमा राख्दै अध्यादेश मार्फत् ल्याइएको कर्मचारी समायोजन ऐन विभेदकारी भएको भन्दै परिमार्जनको माग गरिएको छ ।
स्थानीय सरकारको कानुनी हक खोसेर स्थानीय तहमा कार्यरत कर्मचारीलाई आत्म सम्मानपूर्वक जागिर गर्ने वातावरणबाट बञ्चित गर्दै दोहोरो मापदण्डका कर्मचारीको व्यवस्था गरिएको ऐन आफूहरुलाई मान्य नहुने ज्ञापनपत्रमा उल्लेख गरिएको छ ।
संयोजक लक्ष्मीकान्त मिश्रद्वारा हस्ताक्षरित ज्ञापनपत्रमा साविक स्थानीय निकायबाट नियुक्ति पाई अस्थायी, ज्यालादारी र करार कर्मचारीहरुको स्थायी पदपूर्तिका लागि सर्बोच्च अदालतको फैसला कार्यान्वयन गर्नुपर्ने, सरकारी सेवाका कर्मचारी सरह स्थानीय तहका कर्मचारीको स्वतः बढुवाको व्यवस्था गर्नुपर्ने, स्थानीय तहमा कार्यरत दोहोरो मापदण्डको कर्मचारी अन्त्य गरी एउटै तह लागू गर्नुपर्ने र स्थानीय तहमा कार्यरत कर्मचारीको बृत्ति विकास तथा सुरक्षाको ग्यारेन्टि हुनुपर्ने माग गरिएको छ ।
संयुक्त आन्दोलन केन्द्रिय परिचालन समिति काठमाण्डौले निर्धारण गरे बमोजिम आन्दोलनका कार्यक्रम हुने पनि ज्ञापनपत्रमा उल्लेख छ ।

Next Post

दुईमुखे सर्पको व्यावसायमा कुरा नमिल्दा प्रहरी नियन्त्रणमा

२ पुष २०७५, सोमबार १८:४३
सदरलाइनडटकम,  नेपालगञ्ज  :  वडा प्रहरी कार्यालय नेपालगन्जले रातो अन्ंधासर्प (दुईमुखे सर्प) को कारोबार गर्दै गरेका दुई जनालाई नियन्त्रणमा लिएर थप अनुसंधानको लागि डिभिजन बन कार्यालयमा पठाएको छ । यो सर्प घरमा राख्दा लाभ हुने अन्धविश्वासको कारण यो सर्पको तस्करी हुने गरेको छ । वडा प्रहरी कार्यालय नेपालगञ्जको नियन्त्रणमा परेका दुई ती […]

सम्बन्धित