सदरलाइनडटकम 
६ कात्तिक, नेपालगन्ज : अस्पतालमा विरामी तथा बिरामी कुरुवाको आँखा छलेर मोवाईल चोर्ने एक जनालाई चोरीका ३ मोवाईल समेत नियन्त्रणमा लिएर अनुसंधान सुरु गरेको जनाएको छ ।
जिल्ला प्रहरी कार्यालय बाँकेका सह–प्रवक्ता तथा प्रहरी निरिक्षक बिरबहादुर थापाले दिएको जानकारी अनुसार नेपालगन्ज मेडिकल कलेज शिक्षण अस्पताल नेपालगन्जबाट मोबाईल चोर्दै गरेको अवस्थामा नेपालगन्ज–१० भृकुटीनगरका २२ बर्षिय सुरज थापालाई नियन्त्रणमा लिएको छ ।
प्रहरीले थापाको साथबाट चोरीका विभिन्न ब्राण्डका तीनथान मोबाईल र तीनहजार नगद समेत बरामद गरेको जानकारी दिएको छ । प्रहरी नियन्त्रणमा रहेका थापा लागू औषधको प्रयोगकर्ता समेत भएको जानकारीमा आएको छ ।
