सदरलाइनडटकम,
२ कात्तिक, नेपालगन्ज : पूर्वपश्चिम राजमार्गको कोहलपुर–बाँसगढी सडक खण्डमा मंगलबार कोहलपुरमा ट्रकको ठक्करबाट दुईजनाको मृत्यु भएको ईलाका प्रहरी कार्यालय कोहलपुरले जनाएको छ ।
ईप्रका कोहलपुरका अनुसार मंगलबार बिहान १० बजेर ५० मिनेटमा कोहलपुरबाट बासगढीतर्फ जादै गरको से १ ख १३२४ नम्बरको ट्रकले ठक्कर दिदा कोहलपुर–३ मदनचौकमा बाटो काट्दै गरेकी सोही ठाउँकी ५८ बर्षीया सितादेवी पोखरेलको घटना स्थलमै मृत्यु भएको हो ।
सो घटनामा घाईते २ वर्षिया बालिका प्रशंसा पन्तको भने उपचारको क्रममा शिक्षण अस्पताल कोहलपुरमा मृत्यु भएको ईलाका प्रहरी कार्यलय कोहलपुरले जनाएको छ । ट्रक र ट्रक चालक ईलाका प्रहरी कार्यलय कोहलपुरको नियन्त्रणमा रहेका छन् ।
![](https://sadarline.com/wp-content/uploads/2022/07/3.jpg)