सदरलाइनडटकम,
२७ भदौ, नेपालगन्ज : नेपाल पत्रकार महासंघ बाँकेका पूर्व अध्यक्ष तथा प्रेस युनियन बाँकेका संस्थापक अध्यक्ष एवम प्रेस स्वतन्त्रता सेनानी पन्नालाल गुप्ता चाचाजीको ८८ औं जन्मदिवस नेपालगन्जमा मनाईएको छ ।
२०३७ सालदेखि निरन्तर रुपमा साप्ताहिक किरणको सम्पादकको रुपमा क्रियाशिल रहदै आएका प्रेस स्वतन्त्रता सेनानी गुप्ता ८८ औ वर्षको जन्मदिन मनाउँदासम्म सक्रिय पत्रकारितामा क्रियाशिल रहेका छन् । नेपाल प्रेस युनियन बाँकेले आयोजना गरेको कार्यक्रममा चाचाजीका घरपरिवार, सञ्चारकर्मी, राजनीतिक दलका प्रमुख तथा प्रतिनिधि, नागरिक समाजका अगुवा लगायतको सहभागिता रहेको थियो ।
प्रेस युनियन बाँकेका अध्यक्ष जयनारायण शाहले स्वागत तथा कार्यक्रममाथि प्रकाश पारेको कार्यक्रममा चाचाजीले आफ्नो ८८ औं जन्मदिनको केक काटेका थिए । उनले आफ्नी जीवन संगिनी कमलादेवि गुप्तालाई केक खुवाएका थिए । सो कार्यक्रम पछि चाचाजीलाई जन्मदिनका साथै सुस्वास्थ र दिर्घायुको शुभकामना दिनेहरुको लामो लस्कर रहेको थियो ।
