चितवन : तेस्रो कृषि–जलावायु युवा लिडर सीप समिट २०८१ ले १०० युवा इको लिडर (पर्यावरणीय युवा अगुवा) को घोषणा गरेको छ ।
इको लिडरले वर्षभरी हरित कृषि, जलावयु परिवृत्न तथा दिगो विकासका लागि अभियानहरु संचालन गर्ने छन् । सबै इको लिडरलाई समेटर असार १६ गते सय युवा इको लिडर्स नेटवर्क गठन गरिएको फोर एच नेपालका अध्यक्ष लोकराज अवस्थीले जानकारी दिए ।
घोषित नेटवर्कमा देभरीबाट २५ वर्ष मुनिका युवाहरु छनौट गरिएको अवस्थीले बताए । उनले सय युवा इको लिडर छनौट देशभरीबाट प्राप्त ५ सय आवेदक मध्येबाट छानिएको बताए ।
समिटले १०० युवा इको लिडर्स नेटवर्कको विधान, कार्यविधि तथा ६ महिनाको कार्ययोजना तथा आचारसंहिता समेत पारित गरेको छ । इको लिडरले संकल्प पत्रमा हस्ताक्षर तथा औठा छाप लगाएर हरित कृषि तथा जलवायु परिवर्तन सम्बन्धी कार्य गर्ने र आफ्नो आचरण पनि सोही अनुसार गर्ने संकल्प गरेका छन् ।
सम्मेलन उद्घाटन बागमती प्रदेशका प्रदेश प्रमुख यादवचन्द्र शर्माले गरेका थिए । उनले नेपाल सरकारले युवा पलायन रोक्न र युवालाई स्वदेश मै बस्नका लागि दिर्घकालिन कार्यक्रम ल्याउनु पर्ने बताएका थिए ।
विशिष्ट अतिथि बागमती प्रदेश उद्योग, पर्यटन तथा वातावरण समितिका सभापति आनन्दकुमार श्रेष्ठले आफूले बागमती प्रदेश जलवायुमैत्री कानुन निर्माणका लागि पहलगर्ने प्रतिबद्धता व्यक्त गरका थिए । कार्यक्रममा बागमती प्रदेश युवा परिषदका उपाध्यक्ष, द एशिया फाउण्डेसनका प्रतिनिधिलगायतले शुभकामना मन्तव्य दिएका थिए ।
समिटमा तीन ओटा फरक फरक विषयमा कार्यपत्रहरु पेश गरिएको थियो । जसमा महर्षि वैदिक इन्टरनेसनल फाउण्डेनबाट प्रध्यापक जोन कोनहाउसले वैदिक कृषि प्रणालीको बारेमा प्रस्तुत गरेका थिए ।
त्यसैगरी कृषि तथा वनविश्वविद्यालय सह प्राध्यापक देश भट्टले कृषि र जलवायु परिवर्तनका चुनौती र युवाका सवालको बारेमा र ओरेक नेपालकी कार्यकारी निर्देशक सुनिता मैनालीले जलवायु न्याय र कृषिको बारेमा कार्यपत्र पेश गरेका थिए ।
हरित युवागोष्टीमा १० ओटा कृषि, जलवायु परिवर्तन र युवासँग जोडिएका विषय १० ओटा समूहमा छलफल गरी समाधानका उपाय पहिचान गरिएको फोर एच नेपालका उपाध्यक्ष सिता रणपालले जानकारी दिए ।
समिटको अर्को दिन छानिएका १० ओटा कृषि, जलवायु परिवतनसँग जोडिएका नविनविचारहरु छनौट गरी प्रत्येक युवालाई जनहीदशर हजार दिने घोषणा समेत गरिएको आयोजक सरोज कुमार जाशीले बताए । डा. चिन्तमणी योगीले युवालाई जीवनजीउने शैली र युवाको सकरात्मक धारणा विकास सम्बन्धी प्रशिक्षण पनि गराएका थिए ।
१० बुदे जलवायु परिवर्तन संकल्पपत्र जारी
चितवनमा सम्पन्नभएको तेस्रो युवा कृषि–जलवायु युवालिडरसीप समिटले हरित कृषितथा जलवायु परिवर्तन सम्बन्धी १० बुँदे संकल्पपत्र जारी गरेको छ । समिटको संकल्पपत्रमा पर्यावरणीय संरक्षणका लागि युवा आफ्नो संकल्पजारी गरेको अवस्थीले जानकारी दिए ।
संकल्पपत्रमा युवाले आफ्ना व्यवहार तथा नेतृत्व पर्यावरणमैत्री बनाउने र आफूले समुदायमा जलवायु परिवर्तन न्यूनिकरणतथा रैथाने कृषिको संरक्षणमा लागि पर्ने प्रतिबद्धता जनाएका छन् । र, सरकारसँग जलवायु परिवर्तनका लागि प्रभावकारी नीति ल्याउन पनि माग गरेका छन् । उद्योग, कलकारखाना निर्माणले जलवायु परिवर्तनमा ठूलो असर परेकाले सामाजिक उत्तरदायित्व बजेट मध्ये पर्यावरण संरक्षणका लागि निश्चित बजेट छुटयाउन पनि माग गरेका छन् ।
समिट २०८१ असार १३ देखि १५ गतेसम्म आयोजना गरिएको थियो । समिटमा भरतपुर महानगरपालिका, द एशिया फाउण्डेशन, नबिल बैंक, नेपाल टेलिकम, कृषिविकास बैंक तथा ओरेक नेपाल सहितका सहकार्य तथा सँझेदारी रहेको थियो ।
