तिमि त्यो नसोंच म टाढा छु भनि रुप जुनसुकै हुन सक्छ तिमिसंगै छु !
ध्यान गरि त हेर मलाई ,तिम्रै चेतनामा सधैं म मुस्कुराइ रहने छु !
ठक्कर पाएर मात्र तिमिले ऐया ! हुँदा मलाई स्मरण गर्ने गलत चलन छ !
सुख भोगको दौडमा थाहा थियो मलाई तिम्रो यात्रा कुन उद्देश्य हुँदै छ !
तिमि जतिबेला दुखमा तड्पिन्छौ मैले मातृवत्सल्य मुस्कुराउँदै दिनेछु !
हरपल मलाई आफ्नै सम्झी ध्यान दृष्टिद्वारा हेर तिम्रो चेतना खोल्नेछु !
मधुर ध्वनि संसारको भुलेर एक छिन् सुन प्रेरणा गीत गाउँदै छ ु!
अन्तर दृष्टिले हेर्ने प्रयास गर मलाई तत्वदर्शि बन्ने मार्ग प्रसस्तै गर्नेछु !
सन्देश मेरो तिमि सुन्ने चेस्टा गर्दैनौ आफ्नै धुनमा हाँस्ने–रुने गर्दछौ !
चर–अचर सृष्टिमा बास हुन्छ मेरो तथ्य सत्य के हो मबाट टाढा रहन्छौ !
दिव्य सनातन परम्परा क्षय हुँदैछ निरन्तर तिम्रो अप्राकृतिक जीवनशैली !
ऋषि सन्तान कहलिन्छौ मात्र तड्पाउने तड्पिने अप्राकृतिक जीवनशैली !
महामन्त्र ध्वनिमा अतुलनीय उर्जा छ आत्मालाई शुद्धीकरण गरि राख
मन्त्रको दुरुपयोग तान्त्रिक बनि नगर मानव जीवन पवित्र सधैं राख
संगठित बनि क्रान्तिको मार्गमा हिंड सुरक्षा कवज बन्नेछु सधैं !
तिम्रो जीवनको उपबनमा फुल्ने पुष्पले दुरदराजमा सुगन्ध दिनेछ सधैं !
