मकवानपुर : मकवानपुरमा रहेको नेपाली सेनाको ७ नम्बर बाहिनी चनवनबाट तालिमको लागि सिमभञ्ज्याङ रिकि गर्न जाँदै गरेको बा १ ग ३४३६ नम्बरको ट्रकमा बिहिवार त्रिभुवन राजपथ दामन–शिखरकोट सडक खण्ड अन्तर्गत थाहा नगरपालिका वडा न ४ कुर्सीको मोडमा आगलागी भएको छ ।
चल्दै गरेको ट्रकको एक्कासी सापट भाँच्चिएपछी ट्रकलाई साइड लगाउने क्रममा अचानक आगो लागेको बताइएको छ । सो ट्रकमा १८ जना रहेका थिए । आगलागीका कारण मानवीय क्षती भने नभएको ईलाका प्रहरी कार्यालय पालुङले जनाएको छ ।
ट्रकमा आगलागी भएपछि थाहा नगरपालिकाको दमकलले आगो निभाएको थियो । सापट भाँच्चिएर डिजल ट्याङ्कीमा लागेर डिजल चुहिएपछि आगोलागी भएको अनुमान गरिएको छ ।
