हुम्ला – बुधबार बिहान ८ बजे हुम्लाको दार्मा गौरी सल्ला मोडमा जीप दुर्घटनामा परेर गम्भीर घाइते भएका चार जनालाई उद्धार गरिएको छ ।
गम्भीर घाइते भएका चंखेली गाउँपालिका – २ सुरेन्द्र बहादुर शाही तिलबहादुर शाही र रारा छायानाथ नगरपालिका – १३ का रमेश मल्ल रारा छायानाथ– १ का पृथ्वी राउतलाई सिम्रिक एयर हेलिकप्टरबाट उद्धार गरि प्रादेशिक अस्पताल सुर्खेत लगिएको छ ।
कर्णाली प्रदेश ०२– ००१च ०९२२ बोलेरो जीप दुर्घटनामा ७ जना घाइते भएको मिमि प्रहरीचौकी हुम्लाले जनाएको छ ।
चार जना गम्भीर घाइतेलाइ उद्धार गरि सुर्खेत लगिएको छ । अन्य घाइतेलाई दार्मा स्वास्थ्यचौकी उपचार भइरहेको मिमि प्रहरी चौकी हुम्लाका प्रहरी सहायक निरीक्षक बालकृष्ण खड्काले बताए ।
बिरामी उद्धार खर्च चंखेली गाउँपालिकाको विपद कोषबाट खर्च तिर्न गाउँपालिका श्रोतले जनाएको छ। खर्च ५ लाख २० हजार रहेको श्रोतले उल्लेख गरेको छ ।
