नेपालगञ्ज : लुम्बिनी प्रदेशसभाका दुई जना प्रदेश सभा सदस्यहरु नवगठित जनता समाजवादी पार्टी (जसपा) लाई समर्थन गर्दै सनाखत गरेका छन् । प्रदेशसभामा रहेका तीनमध्ये दुई सांसद अशोक राई नेतृत्वमा जसपामा खुलेर निर्वाचन कार्यालय पुगेर सनाखत गरेका हुन् ।
बाँके निर्वाचन क्षेत्रनं. १ क र ख बाट प्रदेशसभामा निर्वाचित सदस्यहरू भण्डारीलाल अहिर र आदेश कुमार अग्रवालले लुम्बिनी प्रदेश निर्वाचन कार्यालयमा गई जसपाको पक्षमा सनाखत गरेका हुन् । अहिर लुम्बिनी प्रदेशको कृषि मन्त्री समेत रहेका छन् ।
प्रदेशसभाका सबै सांसद नवगठित पार्टीमा सनाखत गर्ने पक्षमा रहेको जसपा निकट स्रोतले दाबी गरेको छ । लुम्बिनी प्रदेशमा ३ जना सांसद रहेकोमा अर्का समानुपातिक निर्वाचन क्षेत्रबाट निर्वाचित अम्बिका काफ्लेले सनाखत नगरे पनि जसपाले आफ्नो पक्षमा सनाखत गर्ने दाबी गरेको छ । यद्यपी प्रदेश सभा सदस्य काफ्लेसंग सो बारेमा जानकारी लिन सम्पर्क गर्नखोज्दा सम्पर्क हुन सकेन ।
