नेपालगञ्ज : बाँकेको गनापुरमा मिथ्या र भ्रामक सुचना नियन्त्रणबारे सञ्चार साक्षरता कार्यशाला सम्पन्न भएको छ ।
पाल्पा विकास केन्द्रको आयोजनामा विभिन्न सामाजि सञ्जाल तथा अनलाइन एवं सञ्चार गृहबाट सम्प्रेषण हुने समाचार र सुचनाहरु कतिसम्मका मिथ्या र भ्रामकसमेत हुने गर्छन् भन्ने बारे सहभागीहरुलाई सचेत गराउँदै केन्द्रका किरण कोशलले सञ्चार साक्षरता सम्बन्धी प्रशिक्षण दिएका हुन् ।
मिस इन्फारमेशन, डिस इन्मफरमेशन, माल इन्फरमेशनबारे चर्चा गर्दै कौशलले मिथ्या सुचनाले लोकतन्त्र कमजोर पार्ने मात्र नभई समाजलाईनै दुषित बनाउने बताए । हरेक सुचना र समाचारमा तथ्य, तथ्यांक, घटना, घटनाक्रम, स्रोत ब्यक्ति, अभियब्यक्ति, तस्विर, समय र सन्दर्भसमेत प्रष्ट हुनुपर्ने भन्दै उनले त्यस्तो सुचनामा छिट्टै विश्वास गर्दासमेत मिथ्या सुचना सम्प्रेशण गर्न अभिप्रेरित हुने जिकिर गर्दै यस्ता विषयहरुमा कुनैपनि ब्यक्ति र संस्थाले क्विक रेस्पोन्स गर्न नहुनेमा जोड दिए ।
नेपाल पत्रकार महासंघ बाँकेको उपाध्यक्ष संगीन शर्मा, स्ववियु अध्यक्षहरु देबेन्द्र बुढा, निरा चौधरी, विनय यादव र माधव खत्रीलेसमेत कार्यशालामा आफ्नो भनाई राख्दै यस्ता विषयहरुलाई अभियानका रुपमा लैजानु पर्ने बताए ।
बाँकेका विभिन्न चार कलेजका स्ववियु पदाधिकारी, पत्रकार, क्लबका प्रतिनिधी एवं महिलाहरुको सहभागितमा सम्पन्न कार्यशालाले समाचार समप्रेषण र सुचना प्रकाशनका विषयमा दिक्षित गराएको सहभागीहरुले प्रतिक्रिया दिएका छन् ।
