नेपालगञ्ज : नेपालगञ्ज–कोहलपुर सडकखण्ड खण्डमा सवारी दुर्घटना न्यूनीकरण गर्ने उद्देश्यले विभिन्न ठाउँमा २५ वटा जेब्राक्रस निर्माण कार्य सुरु गरिएको छ ।
सडक डिभिजन कार्यालय नेपालगञ्जसँगको समन्वयमा नेपालग ञ्जको राँझादेखि कोहलपुरसम्मको विभिन्न २५ स्थानमा जेब्राक्रस र सेन्टर लाइनको निर्माण कार्य सुरु गरिएको जिल्ला ट्राफिक प्रहरी कार्यालय बाँकेले जनाएको छ ।
जिल्ला ट्राफिक प्रहरी कार्यालय बाँकेका प्रमुख गोपीकृष्ण सुवेदीका अनुसार सडक डिभिजन कार्यालय नेपालगन्जको १२ लाख रुपियाँको लागतमा जेब्राक्रस बनाउन लागेको हो ।
उनले सवारी चालक र पैदल यात्रुले जथाभाबी सडक पार गर्दा दुर्घटनाको जोखिम बढेकोले दुर्घटना न्यूनीकरण गर्न जेब्राक्रसले निकै मद्दत पु¥याउने विश्वास लिइएको बताए ।
दुर्घटना न्यूनीकरण गर्नु सबैको चासोको विषय भएको हुँदा नेपालगञ्ज, कोहलपुर सडकखण्डमा जेब्राक्रस निर्माणको कार्य सुरु गरिएको सडक डिभिजन कार्यालय नेपालगञ्जका प्रमुख नीरज शाक्यले बताए ।
