काठमाण्डौ : सार्क जर्नालिष्ट फोरमको नेपाल च्याप्टरको पहिलो अधिवेशन तयारीका लागि नेपाल च्याप्टरका सदस्य रुद्र सुवेदीलाई अधिवेशन तयारी समितिको संयोजक र मोहम्मद आरिफ अन्सारीलाई सहसंयोजकको जिम्मेवारी दिईएको छ । पहिलो अधिवेशन लुम्बिनी प्रदेशमा गरिने भएको छ ।
सार्क जर्नालिष्ट फोरमका अन्तराष्ट्रिय अध्यक्ष राजु लामाको प्रमुख आतिथ्यतामा र महासचिव मोहम्मद अब्दुर रहमानको विशिष्ठ आतिथ्यतामा सम्पन्न नेपाल च्याप्टरको जुम मिटिङ्गले सो निर्णय गरेको नेपाल च्याप्टरका अध्यक्ष प्रकाश सिलवालले जानकारी दिए ।
‘सार्क जर्नालिष्ट फोरमको नेपाल च्याप्टरको पहिलो अधिवेशन लुम्बिनी प्रदेशमा आयोजना गरिने छ । यसको तयारीको लागि नेपाल च्याप्टरका सदस्य सुवेदीलाई संयोजक र अन्सारीलाई सहसंयोजक तोकिएको छ ।
अधिवेशनको मिति र स्थान कही दिनभित्रै तोकिने छ’–उनले भने । पहिलो अधिवेशनमा नेपाल च्याप्टरका सदस्यहरु तथा अन्तराष्ट्रिय पत्रकारहरुको सहभागिता रहने सो सम्मेलनमा पत्रकारहरुका राष्ट्रिय तथा अन्तराष्ट्रिय मुद्दा, समस्या र समाधानको लागि सार्क जर्नालिष्ट फोरमले खेलेको भुमिकाको बारेमा विचार विमर्श हुने थालोको रुपमा हुने अपेक्षा गरिएको अध्यक्ष सिलवालले बताए ।
