नेपालगञ्ज : कर्मचारी मिलन केन्द्र बाँकेले महेन्द्र पुस्तकालय नेपालगञ्जमा आउने पाठकलाई शुद्ध पेय जल उपलब्ध गराउने उदेश्यले एकवागार्ड र डिस्पेन्सरी हस्तान्त्रण गरेको छ ।
केन्द्रले ८० हजार बराबरको एकवागार्ड, तातो चिसो र नर्मल पानी वितरण गर्ने डिपेन्सरी केन्द्रका संरक्षक बाँकेका प्रमुख जिल्ला अधिकारी खगेन्द्रप्रसाद रिजाल, मिलन केन्द्रका अध्यक्ष गोविन्द पाण्डे, नेपालगञ्ज उपमहानगरका प्रमुख प्रशान्त विष्टले पुस्तकालयका उपाध्यक्ष पंकज श्रेष्ठलाई हस्तान्त्रण गरेका थिए ।
कर्मचारी मिलन केन्द्रले निलसागर आश्रमको भवन निर्माणको लागि पनि १ लाख बराबर सहयोग गरेको छ । केन्द्रका अध्यक्ष पाण्डेले बाढी पीडित तथा शीतलहरबाट जोगाउन न्यानो कपडालगायतको सहयोग गरेको बताए । उनले आफ्नो सदस्यता शुल्कबाट केन्द्रले विभिन्न सामाजिक कार्य गर्दै आएको बताए ।
