नेपालगञ्ज : कोहलपुरमा सडक दुर्घटना बढिरहेको बेला फेरि बाटो काटिरहेका एक पैदल यात्रुलाई आइतवार ट्रकले ठक्कर दिँदा बैजानाथ गाउँपालिका ३ का हरि थारु घाइते भएका छन् । ६२ बर्षीय थारुलाई कौशल्या अस्पताल अगाडि बाटो काट्ने क्रममा ठक्कर दिएको ईलाका प्रहरी कोहलपुरले जनाएको छ ।
थारुलाई कोहलपुर शिक्षण अस्पतालमा उपचार सम्भब नभएपछि थप उपचारका लागि नर्सिङहोम नेपालगञ्ज ल्याएको छ । यसअघि ईलाका प्रहरी कोहलपुरका प्रहरीकै जवानलाई बोलेरो जिपले ठक्कर दिँदा बिशाल ओलिको मृत्यु भएको थियो ।
दुर्घटनालाई मध्यनजर गर्दै ईलाका प्रहरी कोहलपुरका डिएसपी सुन्दर तिवारीले मापसे सेवन गरेर गाडी चलाउनेलाई कडा निगरानी बढाएको बताएका छन् ।
