सदरलाइनडटकम,
नरैनापुर (बाँके) : बाँकेको नरैनापुर गाउँपालिकाबाट २ सय ६३ जनाको थ्रोट स्वाब संकलन गरिएको छ । यहाँ आठ जना कोरोना संक्रमित भेटिएपछि कन्ट्याक्ट ट्रेसिङ्ग गरी शनिवार २ सय ६३ जनाको थ्रोट स्वाब संकलन गरिएको हो ।
बैशाख ३१ र १ गतेको बीचमा नरैनापुरको दुई वटा क्वारेन्टाइनबाट संकलन गरिएको थ्रोट स्वाबको परीक्षणमध्ये आठ जनाको नजिता पोजेटिभ आएपछि स्वाब संकलन शुरु गरिएको हो । क्वारेन्टाइनमा रहेका ४५ जनाको थ्रोट स्वाब परीक्षणमा ८ जनामा कोरोना संक्रमण रहेको भेटिएको थियो ।
आदर्श माबि लक्ष्मणपुर क्वारेन्टाइनबाट ८७, दिपेन्द्र माबि भोज भगवानपुरबाट ३९, नेरा प्राबि हुलासपुरबाट ७२ र जयकिशान माबि भगवानपुर क्वारेन्टाइनबाट ६५ जनाको थ्रोट स्वाब संकलन गरिएको जिल्ला स्वास्थय कार्यालय बाँकेका अधिकृत एवं कोरोना फोकल पर्सन नरेश श्रेष्ठले जानकारी दिए ।
पहिलो चरणमा कोरोना संक्रमितको सम्पर्कमा आएकाहरुको पहिचान गरी स्वाब संकलन गरिएको र छुटेको पाइए अन्यको पनि नमुना लिन फोकल पर्सन श्रेष्ठले बताए ।
नरैनापुरबाट २ सय ६३ को स्वाब संकलन
३ जेष्ठ २०७७, शनिबार १९:४६
