नेपालगञ्ज : बाँकेको प्रशिद्ध धार्मिक तथा पर्यटकीय स्थल सन्तानेश्वर महादेव मन्दिर क्षेत्रको बृहद् सरसफाई गर्ने तयारी गरिएको छ । नेपाली काँग्रेस निकट नेपाल तरुण दल राप्ती सोनारी गाउँपालिकाको अगुवाईमा सरसफाई गर्न लागिएको हो ।
आगामी सोमबार बिहान मन्दिरमा पुगेर सरसफाई गर्ने तयारी गरिएको तरुण दल राप्ती सोनारी अध्यक्ष कुलबहादुर केसीले जानकारी दिए । सरसफाईसँगै मन्दिर दर्शन गर्ने कार्यक्रम पनि राखिएको उनले बताए । नरैनापुर गाउँपालिका अन्तरगत पहाडको चुचुरोमा पर्ने उक्त मन्दिर धार्मिक तथा पर्यटकीय स्थलका रुपमा परिचित छ ।
![](https://sadarline.com/wp-content/uploads/2023/06/355735841_163168713323414_6806641009584846467_n.jpg)
![](https://sadarline.com/wp-content/uploads/2023/10/Ntc-add-1-.jpg)
सरसफाई कार्यक्रममा ठुलो संख्यामा युवाहरुको उपस्थित गराउने तरुण दल राप्ती सोनारीको तयारी छ । उक्त कार्यक्रममा नेपाली काँग्रेसका नेताहरु समेत उपस्थित हुने भएका छन् ।